Малаппурамын Тирур хотын эмнэлгийн дадлагажигч 24 настай Анес Мохаммед энэ оны 7-р сарын 28-нд нислэгийн үеэр ухаан алдсан 48 настай эмэгтэйн амийг аварсан байна.

Анис хэлэхдээ:

"Би түүнийг шалгахад зүрхний цохилт нь түргэссэн нь тахикарди гэх зүрхний хэмнэлтэй холбоотой эмгэг байгааг олж мэдсэн"

"Тэр даруй гүрээний синусын массаж хийж эхэлсэн бөгөөд 10-15 секундийн дотор түүний биеийн байдал тогтворжиж эхэлсэн. Бид түүнийг газардах хүртэл сайтар хянаж, Дели дэх эмч нарт хүлээлгэн өгсөн" гэжээ

12-р сарын 4-нд Узбекистанд болсон албан ёсны ёслолын үеэр Анис үндэсний шагналыг гардан амсан байна.

" Энэ шагнал миний гэр бүл, найз нөхөд, дэмжигчид, их сургууль, миний ректор, декан, дэд декан, намайг удирдан чиглүүлсэн бүх хүмүүст хамаарна. Энэ ивээлийн төлөө Бурханд талархъя" гэж тэр хэлэв.

Анагаах ухаанаас гадна Анис холимог тулаан болон кикбоксын улсын аварга бөгөөд залуу тамирчдыг дасгалжуулдгаас нэг нь саяхан улсын хэмжээний тэмцээнээс алтан медаль хүртсэн.

Ташкентийн Улсын Анагаах Ухааны Их Сургууль “Мохамед Анис шиг манай оюутнууд энд олж авсан мэдлэгийнхээ ачаар дэлхийн өнцөг булан бүрд байгаа хүмүүст эмнэлгийн тусламж үзүүлж байгаад бид бахархаж байна” гэж мэдэгджээ.