IX Богд Жавзандамба Хутагтын 15 жил амьдарсан Энэтхэгийн Mainpat хэмээх сууринд "Их Бодь" суварга бүтээхээр богдын хүү Чойнпэл төсөв бүрдүүлэхээр ажиллаж байна. Энэтхэгийн Mainpat хэмээх төвөдүүдийн сууринд IX Богд Гэгээн 15 жил амьдарсан бөгөөд тэнд Дээрхийн Гэгээн XIV Далай лам морилон саатаж, IX Богдтой цаг гаран уулзаж цайлаад, Монголын IX Богд Жавзандамба хутагтаар залагдсаныг дуулгажээ. Гэлүгба буюу шарын шашны хоёр том Богд уулзан золгосон тэрхүү түүхэн газар Их Бодь суварга сүндэрлэх юм. Монголоос Жавзандамба Хутагт төвийн төлөөлөл Дээрхийн Гэгээн XIV Далай ламд мөргөхөөр Энэтхэгийн Дарамсала хот руу явахдаа Чойнпэлтэй уулзаж, 142 өглөгийн эздээс цугласан 12,126,095 төгрөгийн хандиваа гардуулжээ.