Беларусын онлайн худалдааны платформ Куфарт Kinder Joy өндгөн шоколадны Stranger Things цувралын Will гэх дүрийн тоглоомыг 150 Беларус рублиэр (185 мян.төг) худалдах зар тавигдсан байна.

Ойролцоогоор 3 долоо хоногийн өмнө италийн Ферреро компани Нетфликсийн Stranger Things цувралын сүүлийн бүлэг гарах болсонтой холбоотойгоор зохиомол дүрүүдийн фигурин үйлдвэрлэдэг Funko Pop компанитай хамтран тус цувралын 24 дүрийн фигуринийг агуулсан өндгөн шоколадыг цөөн тоогоор худалдаанд гаргасан. Will гэх дүрийн фигуринийг олоход тун хэцүү байгаа бөгөөд цувралын үзэгчид 24 дүрийг бүгдийг нь цуглуулахын тулд өндгөн шоколадыг их хэмжээгээр худалдан авч байна.

Мөн онлайн худалдааны Ebay сайтад 24 дүрийг бүрдүүлсэн цуглуулга 180 ам.долларын үнэд хүрээд байна. Хамгийн эрэлттэй Will-н фигурин 42-174 ам.долларын (148-817 мян.төг)  үнээр зарагдаж байгаа юм байна.

Монголын үзэгчид дунд ч гэсэн өндгөн шоколад эрэлттэй байгаа төдийгүй онлайн орчинд өөрт олон байгаа фигуринийг өөр дүрээр солилцох зэргээр цуглуулж байгаа юм байна.