2018 оноос хойш АНУ өрсөлдөгч гүрнүүдээс дотоодынх нь чухал салбаруудад худалдан авахыг хориглох хуулиудыг чангатгаж эхэлсэн. Хагас дамжуулагч болон харилцаа холбооны салбаруудад онцгойлон анхаарсан. Гэвч хууль бүхэнд цоорхой байдаг бололтой.

2016 онд сэтгүүлч Жефф Штайн Холбооны Мөрдөх Товчоо, Тагнуулын Төв газрын агентуудад даатгалын үйлчилгээ үзүүлдэг жижиг компанийг Хятад эзэнтэй фирм худалдаж авсан талаар мэдээлэл нууцалсан эх сурвалж өгсөн талаар ярьж байжээ.

Тэрбээр “энэ талаар шууд мэдээлэл авдаг нэгэн хүн над руу залгаж тагнуулын ажилчдын даатгалыг хариуцдаг компанийг худалдаж авсан фирмийг хятад хүн эзэмшдэг талаар мэдэх үү гэж асуусан” гэжээ.

2015 онд даатгалын Wright USA гэх компанийг Хятадын дээд удирдлагуудтай нягт холбоотой Fosun Group гэх хувийн пүүс худалдаж авсан байна.

Wright USA бол америкийн нууц албаны чухал ажилтнуудын хувийн мэдээллийг авсан газар. Тэр мэдээллүүдийг хэн олж харах боломжтой талаар АНУ мэдэхгүй байна.

Wright USA бол энэ мэт тохиолдлуудын ердөө нэг нь.

BBC-ийн зүгээс БНХАУ-ын төрийн мөнгө АНУ, Европ, Ойрх дорнодын орнууд болон Австрали зэрэг өндөр хөгжилтэй орнууд руу урсаж байгаа талаар мэдээлэл олсон байна.

БНХАУ хөгжиж буй “Бүс ба Зам” санаачилгын хүрээнд хөгжиж буй орнуудад хөрөнгө оруулдгаараа алдартай. Зарим судлаачид үүнийг “мөнгөний хавх” гэж тодорхойлж шүүмжилдэг. Гэхдээ 2000-2023 онуудын хооронд өндөр хөгжилтэй орнуудаас хамгийн их нь АНУ 202 тэрбум ам.долларын хөрөнгө оруулалт авсан бол 60-130 тэрбум ам.долларын хөрөнгө оруулалт авсан Австрали, Их Британи улсууд удаалж байна.

БНХАУ-ын хувьд гадаадад үйл ажиллагаа явуулж буй компаниудаа дотоодын хууль журмаа мөрдөхийг шаарддаг.  Бээжингийн зүгээс хөрөнгө оруулалтаараа дамжуулж чухал технологийн нээлтүүдийг нутагтаа авчрах зорилготой болов уу.