Украйн Францад үйлдвэрлэсэн 100 гаруй Рафаель Ф4 сөнөөгч онгоц болон агаарын довтолгооноос хамгаалах дэвшилтэт системийг авахаар тохирсон байна. Парисийн ойролцоо Украйны ерөнхийлөгч Зеленский Францын ерөнхийлөгч Макрон нар хэлцлийн баримт бичигт гарын үсэг зурсны дараа уг үйл явдлыг Зеленский “түүхэн” гэж тодорхойлсон байна.

Сөнөөгч дронуудын хамтарсан үйлдвэрлэл энэ ондоо эхлэх бол Рафаель Ф4 сөнөөгч онгоцны тухайд 2035 онд Украйнд хүргэж дуусгана гэжээ.

Санхүүгийн хувьд Францын зүгээс Европын Холбооноос санхүүжилт татах, ОХУ-ын царцсан мөнгөн хөрөнгүүдийг ашиглах зэрэг төлөвлөгөөтэй байгаа юм байна.

Зеленский тус стратегийн зөвшилцлийг ирэх жилээс эхлэн 10 жил үргэлжилнэ гээд “маш хүчирхэг радар” болон найман ширхэг хамгаалалтын систем бусад дэвшилтэт зэвсэглэлийг авах болсноо дурдав.

Оросын зүгээс өнгөрсөн саруудад Украйны эсрэг дроны болон пуужингийн халдлагаа эрчимжүүлж эрчим хүч, төмөр замын дэд бүтцүүдийг онилсон нь орон даяар тог цахилгаангүй болоход хүргээд байгаа юм.