Филиппиний нийслэл Манила хотод үерийн хамгаалалтын төслүүдтэй холбоотой өргөн хүрээний авлигын хэрэг илчлэгдсэний дараа олон зуун мянган иргэн эсэргүүцлийн жагсаал өрнүүллээ. Жагсаал энэ сарын 16-нд зохион байгуулагдсан байна.
Эсэргүүцэгчид хуурамч болон бүр огт хэрэгжээгүй “flood-control” буюу үерийн хамгаалалтын бүтээн байгуулалтад их хэмжээний төсвийн мөнгө шамшигдуулсан хэрэгт холбогдсон төрийн байгууллага, улс төрчдөд хариуцлага тооцохыг шаардав. Сенатын шалгалтаар зарим компани барилга байгууламжийг дутуу гүйцэтгэсэн, материалын зардлыг хийсвэрээр нэмэгдүүлсэн, зарим тохиолдолд огт ажил хийгээгүй мөртөө төсвийн хөрөнгө авсан зэрэг ноцтой зөрчлүүд тогтоогдсон тухай гэрчүүд мэдүүлжээ.
Жагсаалд “Iglesia Ni Cristo” сүмийн олон мянган гишүүд мөн нэгдэн “Авлигыг зогсоо”, “Хариуцлага нэхэж байна” гэсэн уриа лоозон барьсан байв. Хотын төвөөр цагаан цамцтай мөр зэрэгцэн алхах иргэдийн урсгалыг хэвлэлүүд “сүүмэг цагаан гол мэт” хэмээн дүрслэн мэдээлжээ.
Эсэргүүцлийн ажиллагааны үеэр нийтийн хэв журам, аюулгүй байдлыг хангахын тулд цагдаа, цэргийн тусгай нэгжүүд өндөржүүлсэн бэлэн байдалд ажиллав. Хөдөө орон нутгаас ч олон хүн нийслэл рүү зорин ирсэнээр жагсаал хэмжээгээрээ сүүлийн жилүүдийн хамгийн том хөдөлгөөнүүдийн нэг болжээ.
Ерөнхийлөгч Фердинанд Маркос Жр. уг авлигын хэрэгт холбогдсон албан тушаалтнуудад эрүүгийн хэрэг үүсгэж, хариуцлага тооцохоо мэдэгдсэн бол Сенатын дотоод шалгалтын комисс хуулийн байгууллагуудтай хамтран нарийвчилсан шалгалт үргэлжлүүлж буйгаа зарлав.
Иргэд авлигын сүлжээг таслан зогсоож, бүтээн байгуулалтын хөрөнгө бодитоор зарцуулагдах нөхцөл бүрдэх хүртэл тэмцлээ үргэлжлүүлэхээ илэрхийлжээ.
| Филиппиний нийслэлд авлигын эсрэг олон зуун мянган иргэн жагслаа |
2026-11-16 17:07:51
2026-11-16 10:38:26
2026-11-13 12:00:18
Шөнийн цагийн хуваариар ажилладаг иргэдэд зориулан дөрвөн чиглэлд автобус үйлчилж байна
2026-11-18 19:01:41
“Евро-3” болон түүнээс дээш стандартын АИ-92 автобензиний үнийг 1000 хүртэл төгрөгөөр бууруулна
2026-11-18 15:19:31
ТББХ: Ерөнхийлөгчийн чөлөөлөгдөх хүсэлтийг хэлэлцэн дэмжлээ
2026-11-18 14:28:18
ЭЗХЯ: Эдийн засгийн албанд залуу нас, хөдөлмөр зүтгэлээ зориулсан үе үеийн ахмадууд, ажилтнууд, алба хаагчдадаа “Эдийн засгийн албаны өдөр”-ийн мэнд хүргэе
2026-11-18 13:18:17
УИХ-ын гишүүн Р.Сэддорж Хулд сумын иргэдтэй уулзаж, тулгамдсан асуудлыг сонслоо
2026-11-18 13:06:05
2026-11-18 10:25:41
2026-11-18 10:06:25
Улаанбаатарт 7 хэм хүйтэн. Ялимгүй цас орно
2026-11-18 07:50:43
Нүүдэл хийх, худалдаа наймаа эрхлэхэд сайн
2026-11-18 07:49:38