Apple компани Японы нэрт загварын брэнд Issey Miyake-тэй хамтран “iPhone Pocket” нэртэй шинэ бүтээгдэхүүнээ танилцууллаа. Энэхүү уут нь 3D нэхмэл даавуун бүтэцтэй, уут маягийн загвартай бөгөөд iPhone утас болон зарим жижиг хэрэгслүүдийг багтаах зориулалттай.

Бүтээгдэхүүн нь богино болон урт бүслүүртэй хоёр хувилбартай ба үнийн хувьд богино бүслүүртэй нь 149.95 ам.доллар, урт бүслүүртэй нь 229.95 ам.доллар юм. Борлуулалт 2025 оны 11 р сарын 14‑нөөс эхлэн Apple.com болон сонгогдсон дэлгүүрүүдэд гарах гэнэ.

Гэвч цахим сүлжээнд энэхүү шинэ бүтээгдэхүүнтэй холбоотой шүүмжлэл ихээр гараад байна. Зарим хэрэглэгчид үнийн өндөр байдал, бүтээгдэхүүний хэрэгцээ, загварын шийдлийг шүүмжилж, “нэхмэл уут нь iPhone-д зориулсан эсэх нь маргаантай” гэх мэт сэтгэгдлүүдээ илэрхийлжээ.