Хятадын 13 настай сэлэгч Yu Zidi 200 метрийн холимог сэлэлтийн төрөлд шинэ Азийн дээд амжилт тогтоолоо. Тэрбээр энэ амжилтыг 2025 оны арваннэгдүгээр сарын 11-нд болсон Хятадын Үндэсний наадам (Chinese National Games)-д гаргасан байна.

Yu Zidi 200 метрийн холимог сэлэлтийг 2 минут 07.41 секундэд туулж, 2012 онд Олимпийн аварга Ye Shiwen тогтоож байсан 2 минут 07.57 секундийн амжилтыг эвдсэн байна. Ийнхүү тэр Азийн дээд амжилтыг 0.16 секундээр шинэчилжээ.

Спортын шинжээчдийн хэлж буйгаар, Yu Zidi бол Хятадын шинэ үеийн хамгийн ирээдүйтэй тамирчдын нэг бөгөөд түүний амжилт олимпийн түвшинд өрсөлдөхүйц үзүүлэлт болсон байна.

SCMP (South China Morning Post) мэдээлснээр тэбрээр энэ амжилтаа гаргах үед 13 нас хүрээд удаагүй байсан аж. Харин SwimSwam сайт Yu Zidi-гийн гүйцэтгэл “бараг төгс төгөлдөр” байсан гэж дүгнэжээ.