Швейцарын Базель хотын Galerie Gleis 4‑д Британ уран бүтээлч Mason Storm‑ын “Saint or Sinner?” буюу “Гэгээнтэн үү? Нүгэлтэн үү?” баримал бүтээл дэлгэгдсэн. Тус бүтээл нь АНУ-ын ерөнхийлөгч Дональд Трампыг шар өнгийн хоригдлын өмсгөлтэй, загалмайд хадагдсан байдлаар дүрсэлсэн бөгөөд олон нийтийн анхаарлыг татсан бүтээл болсон юм.

“Saint or Sinner?” бүтээл нь улс төр, нийгмийн шүүмжлэл, урлагийн ойлголтыг нэгтгэсэн уран бүтээл хэмээн үнэлэгдэж байна. “Gleis 4” галерейн эзэн Мелани Брезникийн хэлснээр энэхүү баримал хэдийн зарагджээ. Даатгал нь 600 мянган франк байсан гэнэ. Худалдан авагч нь дэлхийн хэмжээний алдартан гэхээс өөр үг Мелани мэдээлсэнгүй.

Эхэндээ Базелийн төв төмөр вокзалда байрлуулах төлөвлөгөөтэй байсан ч аюулгүй байдлын үүднээс өөр газарт тавьсан аж. Уран бүтээлч Storm‑ын бүтээл олон нийтийн дунд шүүмжлэл, маргааныг дагуулж буй ч урлагийн ертөнцөд нэр хүндтэй амжилт үзүүлж байна.