Өмнөд Солонгосын Тагнуулын албаны мэдээлснээр Хойд Солонгос улс ОХУ руу 5000 орчим барилгын цэргийн албан хаагч илгээсэн байна. Тэднийг Оросын Дорнод хэсгийн сэргээн босголт, дэд бүтцийн төслүүдэд ажиллуулахаар илгээсэн гэж гаднын эх сурвалжууд мэдээлжээ.

Мэдээлэлд дурдсанаар, барилгын цэргүүдийг ихэвчлэн дайны хохирол амссан бүс нутагт илгээсэн бөгөөд тэд Оросын талд орлогын тодорхой хувийг Хойд Солонгосын Засгийн газарт шилжүүлэх нөхцөлтэйгөөр ажиллаж байгаа аж.

Гэвч Хойд Солонгос болон Оросын эрх баригчид уг мэдээллийг албан ёсоор баталгаажаагүй байна. Өмнөд Солонгосын талын үзэж буйгаар, энэ нь Хойд Солонгосын Орост үзүүлж буй дэмжлэгийн нэг хэлбэр бөгөөд хоёр улсын хамтын ажиллагаа сүүлийн саруудад улам идэвхжиж байгаа юм.

Шинжээчид үүнийг олон улсын хориг арга хэмжээг зөрчиж болзошгүй үйлдэл хэмээн анхааруулж байна.