Өчигдөр буюу 11 дүгээр сарын 3-нд Балбын Yalung Ri уулын үндсэн отог дээр цасан нуранги үүсч, 7 хүн амь насаа алджээ. Нас барсан хүмүүсийн дотор 5 гадаад улсын уулчин болон 2 Непалын хөтөч орсон байна. Одоогоор гадаад уулчдын иргэншлийг албан ёсоор тогтоогоогүй байна.

Уулын үндсэн отог нь далайн түвшнээс ойролцоогоор 4 900 метр өндөрт байрладаг. Осол болсон үед муу цаг агаар, хүйтэн, цас болон манан нь аврах ажиллагааг хүндрүүлжээ. Осолд оролцсон багт нийт 15 хүн байсан бөгөөд тэдний 5 нь гадаад, 10 нь Непалын уулчид байжээ.

Непалын аврах албаны мэдээллээр, осолд гэмтсэн таван хүн бий бөгөөд тэдний биеийн байдал тогтвортой байна.