Оросын зарим улс төрч, нийгмийн зүтгэлтнүүд хүүхдэд зориулсан алдарт “Маша ба баавгай хоёр” хүүхэлдэйн киног телевиз болон онлайн платформуудаар цацахыг хориглох санал гаргажээ. Тэдний үзэж буйгаар уг хүүхэлдэйн кино нь хүүхдүүдэд ёс суртахууны буруу үлгэр дуурайл үзүүлдэг бөгөөд гол дүрийн Маша “ёс журамгүй, дүрсгүй зан үйл” үзүүлдэг гэж шүүмжилсэн байна.

Гэхдээ олон нийтийн дунд эсрэг байр суурь хүчтэй байна. Эцэг эхчүүд уг хүүхэлдэйн кино нь нөхөрлөл, халамж, уучлалын тухай ойлголт өгдөг гэдэгт итгэдэг аж.

“Маша ба баавгай хоёр” нь 2009 онд анх дэлгэцнээ гарч, дэлхийн 100 гаруй оронд түгсэн бөгөөд YouTube-д хамгийн их үзэлттэй хүүхэлдэйн киноны нэг юм.