Мелисса хар салхи энэ долоо хоногт Карибын тэнгисийн орнуудыг дайран өнгөрч байна. Үүний улмаас 30 гаруй хүний аминд хүрч, олон зуун хүн орон гэргүй болжээ. Хар салхи Ямайка, Гаити, Куба зэрэг хэд хэдэн оронд хүчтэй салхи, аадар бороо дагуулан хот суурин, зам тээвэр, цахилгаан станцад их хэмжээний сүйрэл учруулсан байна.

Орон нутгийн эрх баригчид аюулд өртсөн иргэдийг нүүлгэн шилжүүлж, аврах ажиллагааг эрчимжүүлжээ. Гэсэн хэдий ч цахилгаан, харилцаа холбоо доголдсон учраас хохирлын хэмжээг бүрэн тодорхойлоогүй байна.

АНУ-ын Үндэсний хар салхины төвийн мэдээлснээр “Мелисса” нь дөрөвдүгээр ангиллын хүчтэй хар салхи бөгөөд Карибын тэнгис дэх сүүлийн жилүүдийн хамгийн хүчтэй шуургуудын нэг гэж тэмдэглэжээ.