Хоёрхон хоногийн дараа дэлхий даяар аймшгийн баяр болох Хэллоуин тохионо. Гэвч энэ удаагийн баяраар бүх ордууд ижилхэн азтай байхгүй бололтой. Одон орон судлаачдын таамгаар зарим ордныхонд хэлсэн үг, хийсэн үйлдэл бүр нь хэт эмзэг, урвалтай байх магадлалтай тул болгоомжтой байхыг анхааруулжээ.

Охин

Энэ үед үг, шийдвэр бүрээ анхаарах хэрэгтэй. Хэт хурц үг, шуудхан байр суурь гаргавал ойр дотныхонтой үл ойлголцох нөхцөл үүсч болзошгүй гэж E! Online сайтад нийтэлжээ. Тиймээс яарсан шийдвэр гаргахын оронд тайван байж, бодож ярь гэж зөвлөсөн байна.

Арслан

Олны анхаарлын төвд байх дуртай ч энэ жил Хэллоуины үеэр бусдын шүүмжлэл, атаархалд өртөх хандлагатай байгаа аж. Хэт сүржин үдэшлэг, анхаарал татах үйлдэл хийхээс илүү нам гүм, тухтай байдлыг сонгох нь илүү аз авчирна гэж одон орон судлаачид зөвлөжээ.

Хилэнц

Хачирхалтай нь энэ өдрийг хаанчилж байгаа Хилэнц өөрөө энэ баяраар маш эмзэг байх болно. Энэ өдөр хилэнцүүдийн эртний айдас сэргэн гарч, өөрийгөө эвдэх, хориотой зүйл хийх, токсик харилцаанд дахин орох хүсэл төрнө.  Үүнээс хамгаалах зам нь архи уухгүй байх, хурц яриа, эрсдэлтэй алхам хийхээс зайлсхийж, эрч хүчээ бүтээлч зүйлд зарцуулах хэрэгтэй. 

Үхэр

Харилцааны асуудал гол сорилт болох төлөвтэй байна. PhilStar Life-ийн мэдээлснээр, найз нөхөд, гэр бүлийн хүрээнд үл ойлголцол гарах магадлал өндөр байгаа тул бусдыг ойлгох, уучлах сэтгэлээ илүү гаргах хэрэгтэй гэжээ.

Аймшгийн баярын уур амьсгал хот, хороолол бүрт мэдрэгдэж байгаа энэ үед оддын байрлал ч өөрийн нөлөөг үзүүлж буй бололтой.