“King’s College Hospital”-ийн эмч нар Паркинсоны өвчтэй 65 настай эмэгтэйд тархины “Deep Brain Stimulation” буюу гүн тархины өдөөлтийн хагалгаа хийж байх үеэр тэрбээр сэрүүн байдалтай кларнет хөгжим тоглосон тухай King’s College Hospital, The Independent болон People сэтгүүлүүд мэдээлжээ.

Эмч нарын хэлснээр, хагалгааны үеэр өвчтөн хөгжмөө тоглож байх нь тархины хөдөлгөөний хяналтад нөлөөлж буй хэсгийг илүү нарийн тодорхойлоход тусалсан байна. Ингэснээр түүний гарын чичрэл багасч, хурууны хөдөлгөөн илт сайжирчээ.

Тухайн эмэгтэй Паркинсоны өвчний улмаас сүүлийн жилүүдэд хөгжим тоглох чадвараа бараг алдсан байсан ч мэс заслын дараа дахин чөлөөтэй тоглож эхэлсэн байна.

“Хөгжим тоглох нь түүнийг тайвшруулж, бидэнд тархины эмгэгтэй холбоотой хөдөлгөөнийг яг таг хянах боломж олгосон,” гэж тус эмнэлгийн мэдрэлийн мэс заслын эмч ярьжээ.