Өмнөд Солонгосын Дэжон хотод 2025 оны хоёрдугаар сард гарсан 8 настай охины амийг хөнөөсөн хэрэгт холбогдсон багшид бүх насаар нь хорих ял оноолоо.

48 настай Мён Жэ Ван гэх багш нь тус хотын бага сургуулийн багш байсан бөгөөд тэрбээр сургуулийн дараа “ном өгөх гэж байна” хэмээн хэлж, ангийнхаа сурагчийг дотогш дуудан хутгалж хөнөөсөн байна.

Хохирогч охин Ким Ха Ныл 8 настай байсан бөгөөд осол гарсан даруйд сургуулийн ажилчид охиныг олсон ч эмнэлэгт хүргэгдэн амиа алджээ.

Тухайн багшийн хувьд өмнө нь сэтгэлзүйн асуудлаар ажлын завсарлага авч байсан ба буцаж ажил дээрээ ирээд удаагүй байсан гэнэ.

Шүүхийн тогтоолын дагуу тус хэрэг нь урьдчилан төлөвлөсөн, санаатай үйлдэл гэж үзэгдсэн бөгөөд багшийн сэтгэлзүйн байдал хариуцлагаас чөлөөлөх хэмжээнд хүрээгүй гэж үзсэн байна. Иймээс Дэжон дүүргийн шүүх 2025 оны аравдугаар сарын 20-нд түүнийг бүх насаар нь хорих ял оноожээ.

Энэхүү хэргийн үеэр прокурорууд анх цаазын ял оноохыг хүссэн ч шүүх эцэст нь бүх насаар хорих ялыг сонгосон байна.

Тус хэрэг Өмнөд Солонгос даяар багшийн ёс зүй, сургуулийн аюулгүй байдлын талаар өргөн хүрээтэй хэлэлцүүлэг өрнүүлэх шалтгаан болсон юм