2025 оны Нобелийн эдийн засгийн шагналын эзэд тодорлоо. Энэ жилийн шагналыг инновац, технологийн дэвшил, бүтээлч сүйрэл (“creative destruction”) болон эдийн засгийн өсөлтийн уялдаа холбоог судалсан Жоэл Мокир, Филипп Агион, Питер Ховитт нар хүртжээ.

Шагнал олгогч Шведийн Төв банк тэднийг “шинэ санаа, бүтээлч нээлтүүд эдийн засгийн бүтцийг хэрхэн өөрчилж, урт хугацааны өсөлтийг бий болгодгийг онолын болон туршилтын түвшинд нарийвчлан тайлбарласан” хэмээн үнэлсэн байна.

Тэдний судалгаанд “бүтээлч сүйрэл” гэх ойлголт чухал байр суурь эзэлдэг бөгөөд шинэ технологи, инновац нь хуучин үйлдвэрлэл, бизнесийн хэлбэрийг халж, илүү үр ашигтай систем бий болгодог хэмээжээ.

Нобелийн эдийн засгийн шагнал нь 1969 оноос эхлэн олгогдож байгаа бөгөөд энэ удаагийн шагналын сан 11 сая шведийн крон буюу ойролцоогоор 1 сая ам.доллар юм.