Мексикийн төв болон зүүн хэсгээр үргэлжилсэн хүчтэй борооны улмаас үер, хөрсний гулгалт үүсч, дор хаяж 47 хүн нас барсан тухай тус улсын Онцгой байдлын албанаас мэдээллээ.

Associated Press-ийн мэдээлснээр хамгийн их хохирол амссан мужууд нь Veracruz, Hidalgo, Puebla бөгөөд тус бүрт олон арван хүн амь насаа алджээ. Veracruz мужид 18, Hidalgo мужид 16, Puebla мужид 12 хүн амь үрэгдсэн бол Querétaro мужид нэг хүүхэд үерт автсан байна.

Ерөнхийлөгч Клаудиа Шейнбаум гамшигт өртсөн бүс нутгуудаар айлчилж, аврах ажиллагаа болон тусламжийн ажлыг зохион байгуулах чиглэл өгчээ. Аврагчид одоогоор сураггүй болсон иргэдийг хайж, орон нутгийн иргэдэд хүнсний болон эмнэлгийн тусламж хүргэх ажил үргэлжилж байна.

Борооны улмаас гол мөрнүүд хальж, олон айл өрхийн байшин нурж, зам, цахилгаан хангамж, харилцаа холбоо тасалдсан талаар орон нутгийн хэвлэлүүд мэдээлсэн байна.

Мэргэжилтнүүдийн үзэж буйгаар гамшгийн дараах сэргээн босголт, засварын ажил удаан хугацаанд үргэлжлэх төлөвтэй байна.