Австралийн 32 настай цагдаа Жейд Хендерсон нэг цагийн дотор нийт 733 удаа таталт хийж, эмэгтэйчүүдийн ангиллын дэлхийн дээд амжилтыг шинэчилжээ. Түүний энэ амжилтыг Гиннесийн дэлхийн дээд амжилтын хороо албан ёсоор баталсан байна.

Хендерсон өмнөх дээд амжилтыг 18 удаагаар ахиулсан бөгөөд энэхүү сорилтыг Австралийн Квинсланд мужийн цагдаагийн сургалтын төвд хийжээ. Тэрбээр энэхүү амжилтдаа хүрэхийн тулд сар гаруй хугацаанд эрчимтэй бэлтгэл хийсэн бөгөөд “Энэ бол зөвхөн биеийн хүчний төдийгүй сэтгэлийн тэсвэр тэвчээрийн сорилт байлаа” хэмээн ярьжээ.

Түүний зорилго зөвхөн рекорд тогтоохоос гадна эмэгтэйчүүдийн хүч чадал, тэсвэр хатуужлыг харуулах байсныг тэр онцолсон байна.