Энэ жилийн Физикийн салбарын Нобелийн шагналтнууд тодорлоо. 2025 оны тус шагналыг Америкийн физикч Жон Кларк (John Clarke), Францын судлаач Мишель Деворет (Michel H. Devoret) болон Америкийн физикч Жон Мартинис (John M. Martinis) нар хүртжээ.

Тэд “цахилгаан хэлхээнд макро буюу том системд квант механикийн үзэгдэл болох энергийн квантжуулалт болон туннелийн үзэгдлийг илрүүлж, баталсан” гавьяагаараа ийнхүү нэр хүндтэй шагналын эзэд болсон байна.

Энэхүү судалгаа нь квант компьютерийн технологи, квант хэмжилтийн нарийвчлал зэрэг орчин үеийн физикийн хөгжлийн суурийг тавьсан гэж Нобелийн хороо онцолжээ.

Нобелийн шагналын нийт дүн 11 сая швед крон буюу ойролцоогоор 1 сая ам.доллар бөгөөд шагналыг Стокгольм хотноо уламжлал ёсоор гардуулах юм.