Японы өдөр тутмын “Mainichi” сонин өнгөрөгч лхагва гарагийн дугаартаа Монгол улсын үндэсний бөхийн дархан аварга Н.Батсуурийг онцолжээ.  

“Mainichi” сонинд, "Н.Батсуурийн замнал онцлогтой. Тэр нэгэн цагт Японд сумоч болохоор тэмүүлж, хэл сурахын зэрэгцээ сонин түгээгч, сүшины ресторанд ажиллаж, хатуу хөдөлмөрийн хажуугаар бэлтгэл хийдэг байв. Гэвч гадаад бөхчүүдийн хувьд сумогийн дэвжээний хаалга хүнд байсан тул 2009 онд эх орондоо буцаж иржээ. Эх орондоо ирсний дараа тэрбээр бөхийн ертөнцөд амжилтаа бататган, 2018 онд Наадамд түрүүлж, дараа дараагийн удаа олонтаа аваргалсаар “Дархан аварга” цолд хүрсэн юм. Энэ цолыг 1946 оноос хойш ердөө 10 бөхөд олгосон байдаг. Түүний багш, зөвлөхөөр ажилласан Японд маэгашира зиндаанд барилдаж байсан Бадамсамбуугийн Ганболд “Н.Батсуурийн хамгийн том давуу тал бол сэтгэлийн хат. Ийнхүү сүмод барилдахыг зорьж байгаад монгол үндэсний бөх рүү орж, улсын наадамд дөрөв түрүүлэн дархан аварга цол хүртсэн Н.Батсуурийг сүмогоор бол ёкозүна болохыг онцолсон байна.  

Илүү дэлгэрэнгүй мэдээллийг харахыг хүсэх юм бол ЭНД дарж уншина уу.