Өмнөд Солонгост аймшигт хэрэг гарчээ. Гүнсан хотын 40 гаруй настай эрэгтэй хамтран амьдрагчаа хөнөөн, түүний цогцсыг кимчиний хөргөгчинд нуусан нь илэрсэн байна.

Цагдаагийн мэдээлснээр хэрэг өнгөрсөн оны аравдугаар сард болсон бөгөөд сэжигтэн эмэгтэйтэйгээ санхүүгийн маргааны улмаас зөрчилдсөний дараа аллага үйлджээ. Улмаар цогцсыг уутанд боож, хөргөгчинд хийж нуусан байна.

Хохирогчийн гэр бүл эмэгтэй удаан хугацаанд сураггүй болсныг мэдээлснээр мөрдөн шалгах ажиллагаа эхэлж, эцэст нь үнэн ил болсон аж.

Одоогоор сэжигтнийг баривчилж, албан ёсны мөрдөн шалгах ажиллагаа үргэлжилж байгаа бөгөөд шүүхэд шилжүүлэх бэлтгэл хийж буйг Өмнөд Солонгосын хэвлэлүүд дамжуулжээ.