Филиппиний төвийн Висаяс бүс нутагт есдүгээр сарын 30-ны шөнө 6.9 магнитудын хүчтэй газар хөдөлжээ. АНУ-ын Геологийн албаны мэдээлснээр газар хөдлөлтийн төв нь Цебү мужийн Бого хотын ойролцоо, газрын гүнд тав орчим км-т болсон аж.

Газар хөдлөлтийн улмаас дор хаяж 31 хүн амиа алдаж, олон арван хүн гэмтсэн тухай албаныхан мэдээллээ. Хохирол ихэвчлэн Бого болон түүний ойролцоох Меделлин, Сан Ремиґио зэрэг хотуудад бүртгэгдсэн байна. Зарим сургууль, захиргааны барилга нурж, гүүр болон цахилгаан дамжуулах шугам эвдэрснээс болж дэд бүтэц хүндээр гэмтжээ.

Газар хөдлөлтийн дараа түр хугацаанд цунамигийн сэрэмжлүүлэг өгсөн ч хожим нь цуцалсан байна. Одоогийн байдлаар аврах ажиллагаа үргэлжилж байгаа бөгөөд нурсан барилга, байшингаас хүмүүсийг гаргах ажиллагаа ид өрнөж байна.