Афганистан дахь Талибаны засгийн газар интернетийн шилэн кабелийг тасалж эхэлснээс хойш долоо хоногийн дараа орон даяар харилцаа холбоо зогслоо.

 Олон улсын мэдээллийн агентлагууд нийслэл Кабул дахь оффисуудтай холбоо тасарсан гэж мэдэгдэв. Мөн Афганистан даяар хөдөлгөөнт интернет болон хиймэл дагуулын телевиз ихээхэн тасалдсан байна.

 Талибууд зогсоосон албан ёсны шалтгаанаа хараахан хэлээгүй байна. Талибанчууд 2021 онд засгийн эрхийг гартаа авснаасаа хойш Исламын шариатын хуулийн дагуу олон тооны хязгаарлалт тогтоосон. Талибуудын албаны хүн хэлэхдээ, харилцаа холбооны хаалт дараагийн мэдэгдэл хүртэл үргэлжилнэ гэжээ.

 Афганистаны хувийн мэдээллийн суваг болох Tolo News нь телевиз, радиогийн сүлжээнд саатал гарах төлөвтэй байгаа тул шинэ мэдээнүүдийг нийгмийн сүлжээн дэх хуудсаас авахыг хүмүүст зөвлөв

Кабулын нисэх онгоцны буудлаас гарах нислэгүүд мөн саатсан гэж орон нутгийн хэвлэлүүд мэдээлжээ.