TikTok-ын толгой компани Хятадын ByteDance одоогоор 330 тэрбум доллараар үнэлэгддэг.  

 Трамп Хятадын Ши Жиньпин хэлэлцээрийг үргэлжлүүлнэ гэж хэлсэн талаар мэдэгдлээ.

 Хэлэлцээрийн үнэ 14 тэрбум доллар гэж Дэд ерөнхийлөгч Ж.Д.Вэнс хэлэв.

Ерөнхийлөгч Дональд Трамп пүрэв гарагт зарлигт гарын үсэг зурж, Хятадын эзэмшдэг ТикТок компанийн АНУ дахь үйл ажиллагааг АНУ болон дэлхийн хөрөнгө оруулагчдад худалдах төлөвлөгөөнд 2024 онд батлагдсан үндэсний аюулгүй байдлын шаардлагыг тусгана гэж мэдэгдэв.

 АНУ-ын шинэ компани ойролцоогоор 14 тэрбум доллараар үнэлэгдэнэ гэж Дэд ерөнхийлөгч Ж.Д.Вэнс мэдэгдсэн. Энэ нь платформын үнийг зарим шинжээчдийн тооцооллоос хамаагүй доогуур үнэлсэн хэрэг юм. Мөн Трамп пүрэв гарагт Хятад эзэмшигчид нь уг аппликейшнийг худалдахгүй бол хориглох хуулийн хэрэгжилтийг нэгдүгээр сарын 20 хүртэл хойшлууллаа.  

Трамп БНХАУ-ын дарга Ши Жиньпин төлөвлөгөөг сайшаасан гэжээ. Нэмж "Бид сайхан ярилцсан, би түүнд юу хийж байгаагаа хэлсэн, тэр үүнийг үргэлжлүүлээрэй гэсэн" гэжээ.

 Вашингтон дахь Хятадын Элчин сайдын яамнаас тайлбар өгөх хүсэлтэд шууд хариу өгөөгүй байна. ТикТокын зүгээс Трампын үйлдлийн талаар шууд тайлбар хийгээгүй.

 Трамп өнгөрсөн оны сонгуульд дахин ялалт байгуулахад нь АНУ-ын 170 сая хэрэглэгчтэй TikTok ихээхэн хувь нэмэр оруулсан. Трамп хувийн TikTok хаягтаа 15 сая дагагчтай. Цагаан ордон мөн өнгөрсөн сард албан ёсны TikTok хаяг нээжээ.

 Цагаан ордон 14 тэрбум ам.долларын үнэлгээг хэрхэн гаргасан талаар мэдэгдсэнгүй.