Тайваньд "Рагаса" хар салхины улмаас нуурыэ эрэг хальж наад зах нь 14 хүн амиа алдаж, 120 гаруй хүн сураггүй алга болоод байна. Хонконгийн эрх баригчид хамгийн өндөр анхааруулга гаргаж, олон зуун нислэгийг зогсоож, сургууль, аж ахуйн нэгжүүдийг хаасан байна. 

Хятадын өмнөд хэсгийн Гуандун мужаас 370 мянган хүнийг нүүлгэн шилжүүлжээ.

 Мягмар гарагийн (GMT 6:00) орон нутгийн цагаар 14:00 цагийн орчимд хөрсний гулгалт үүсэн далан хоёр удаа хальжээ.

 Энэ нь Тайваний зүүн хэсэгт орших Хуалиен мужийн Гуанфу тосгонд 60 сая тонн орчим усыг урсгаж, хүчтэй үерийн гамшигт хүргэжээ.

 Үерийн ус хэд хэдэн гүүрийг урсгаж, машинуудыг живүүлж, айлуудын доод давхруудыг усанд автуулжээ.

 Олон оршин суугчид аврах ажиллагааг хүлээж байв.

 Орон нутгийн хэвлэл мэдээллийн хэрэгслийн мэдээлснээр, лхагва гарагийн өглөөний 06.00 цагийн байдлаар наад зах нь 14 хүн нас барж, 18 хүн шархдаж, 124 хүн сураггүй алга болжээ.