БНХАУ-ын Монголоос импортолсон нүүрсний хэмжээ наймдугаар сард өмнөх оны мөн үеэс 13%-иар өсч, 8.41 сая тоннд, 7-р сарынхаас 20.2%-иар өссөн нь 2022 оноос хойшхи сарын хамгийн өндөр үзүүлэлт юм.

 Наймдугаар сард Монголоос 6 сая гаруй тонн коксжих нүүрс импортолсон нь 7-р сараас 21%-иар өссөн нь 2023 оны 12-р сараас хойших хамгийн өндөр үзүүлэлт юм.

 Үүний эсрэгээр, Хятадын хамгийн том нийлүүлэгч Индонезиас 8-р сарын нүүрсний импорт өнгөрсөн оны мөн үеийнхээс 13%-иар буурч, 17.6 сая тонн болсон талаар гаалийн мэдээллүүд бямба гарагт гарчээ. Харин Индонезийн импорт долдугаар сараас 33.6%-иар өссөн байна.

 Оны эхний найман сарын байдлаар Индонезиас тээвэрлэсэн ачаа жилийнхээс 15 хувиар буурч, 121.76 сая тонн болжээ.

 8-р сарын сүүлчээр Индонез улс нүүрсний борлуулалтдаа засгийн газрын жишиг үнийг доод үнэ болгон ашиглах шаардлагыг цуцалсан нь энэ онд импорт нь буурах нэг шалтгаан болж байна.

  Хятадын нүүрсний нийт импорт наймдугаар сард дотоодын үнийн өсөлтөөс шалтгаалж сүүлийн найман сарын дээд хэмжээнд хүрсэн ч эрэлт сул, дотоодын нийлүүлэлт нэмэгдсэнтэй холбоотойгоор өмнөх оны мөн үеэс долоон хувиар буурсан хэвээр байна.

 Эх сурвалж: Ройтерс