15-ны өглөөний 05:20 цагийн орчимд Хонгдэ хотын ойролцоо 20 орчим насны Хятадын иргэн А болон Тайванийн эмэгтэй YouTuber Б нарын хоёр хохирогч халдлагад өртжээ. 

 Тайваний FTV-ийн 16-ны өдөр мэдээлснээр, 460,000 дагагчтай Тайваний YouTuber Ryu Li-ing Өмнөд Солонгост үл таних этгээдийн зүй бус хүсэлтийг эсэргүүцсэний төлөө өөр лүү нь дайрсан хэрэгт цагдаагийнхны хандлагыг шүүмжилсэн байна.

 Ryu Li-ing хэлэхдээ, 14-ний өглөө эрт Сөүлийн Мапо-гу хотын Хонгдэгийн ойролцоо найзтайгаа явж байхдаа хоёр эрэгтэйгээс "Хоёулаа хоноё" гэсэн санал хүлээн авсан байна. Татгалзсны дараа эрчүүдийн нэг нь найзынх нь мөрөн дээр гараа тавьж толгойд нь хүрэх зэргээр бие махбодид нь халдаж эхэлсэн байна

 Ryu Li-ing "Найзад минь битгий гар хүр" гэж эсэргүүцэхэд тэр залуу өөрийг нь "Би чамайг гэрт чинь хүргэж өгье" гэж хэлээд салахгүй дагасаар байжээ.

 Уурласан Ryu тэр залууг харааж зүхэж, улмаар залуу түүн рүү дайрчээ. Тэрбээр "Тэр хүн миний хацрыг алгадсан. Би "Чи яагаад намайг цохиод байгаа юм бэ?" гэж асуусан. Би найзыгаа дээрэлхүүлэхийг хүсээгүй. Үүний дараа тэр хүн дахин хацрыг минь алгадаж, над руу дайрсан" гэж ярьжээ.

 Ryu ч энэ хэрэгт гаргасан цагдаа нарын хандлагад сэтгэл дундуур байгаагаа илэрхийлжээ. Тэрбээр "Мэдүүлэг хүлээн авсны дараа цагдаа нар "Солонгост ийм хэрэг их гардаг" гэж хэлээд "Уйлахаа боль, гэртээ хариад амарчих. Чи одоо явж болно" гэж хэлсэн. 

“Тэр үед хэрвээ ингэх байсан юм бол цагдаа нар яах гэж ирдэг юм бол гэж бодсон" гэв.

 Тэрбээр "Цагдаа нар зөвхөн миний паспортын дугаарыг шалгачихаад камерын бичлэгийг шалгаагүй. Тэгээд л болчихсон."

 Рю Ли-ин гар хөлнийхөө хөхөрсөн зургуудыг дэлгэж, "Маргааш нь миний бүх бие хөхөрсөн, тэр ч байтугай эрхий хуруу минь хугарсан" гэжээ. Эмнэлгээс эмчийн бичиг авсны дараа дахин цагдаад мэдэгдэхээр төлөвлөсөн байна

 Тайваний Гадаад хэргийн яам FTV телевизэд "Бид Рю Ли-инд шаардлагатай дэмжлэгийг үзүүлэх болно. Бид Өмнөд Солонгосын цагдаа нарыг хуулийн дагуу хэргийг шийдвэрлэхийг уриалж байна" гэж мэдэгджээ.