Эсэргүүцлийн үеэр гэр бүлийн гишүүдээ алдсан арав гаруй хүнтэй BBC ярилцсан байна

21 настай Субаш Бохорагийн төрөл төрөгсдийн хэлснээр түүний амьдралд шүүгч болох хүсэлтэй байсан үе бий. Тэрээр Непалын парламентын ордны гадаа хүзүүндээ буудуулжнас баржээ

19 настай Аюуш Тапа франц хэлний оюутан байсан бөгөөд Британийн армийг сонирхож, Непалын улс төрчдийг үзэн яддаг байсан гэж гэр бүлийнхэн нь мэдэгджээ. Цээжинд нь буудсан

22 настай Абишек Чаулагайн нийслэлийн зочид буудлуудын нэгэнд ажиллаж байсан оюутан духандаа буудуулж нас баржээ.

Притам Рой гэх эмэгтэй хайртай хүнийхээ зургийг бариад сууж байна. Өчнөөн залуус амиа алдсанд харамсан уурлаж, үл итгэн сууна

"Бүгд л резинэн сум хэрэглэж байна гэсэн. Гэхдээ хүүг минь харвал толгой нь хагарч нүх гарсан байна" гэв.

Нарендра Шрестха өнгөрсөн долоо хоногт Непалд болсон эмх замбараагүй байдлын үеэр ​​амь үрэгдсэн хүү Суловынхоо нас барсны хариуцлагыг хэн хүлээхийг мэдэхийг хүсч байна

45 настай ноён Шрестха мооргт 21 настай Суловын цогцсыг хүү нь мөн болохыг баталж байв.

"Би энэ улсаас асуумаар байна" гэж нулимс дуслуулан "Тэд миний хүүг буудчихсан, ээж бид хоёр нь амьд байна. Одоо бид хэний төлөө амьдрах вэ? Бид ч бас үхмээр байна" гэж хэлэв. Түүний хүүг Непалд авлигын эсрэг жагсаалд оролцож байхад нь буудан хороожээ

Бусад гэр бүлүүд мөн амиа алдсан хайртай хүмүүсийхээ араөс гашуудаж байна. Нэг нь шүүгч болохыг мөрөөддөг, нөгөө нь Катмандугийн зочид буудалд ажилладаг оюутан, гурав дахь нь франц хэл сурч байв.

Тэд өнгөрсөн долоо хоногийн эхээр Гималайн үндэстний засгийн газрыг түлхэн унагасан авлигын эсрэг жагсаалын үеэр амиа алдсан 70 гаруй хүний ​​нэг юм. Хоёр хоног үргэлжилсэн эмх замбараагүй байдлын үеэр 1000 гаруй хүн шархадсан байна.

Олон нийтийн сүлжээнд хориг тавьсан нь эсэргүүцлийн хөдөлгөөнд түлхэц болсон ч сүүлийн долоо хоногт засгийн газрын авлигын эсрэг уур хилэн улам бүр бадарсан байна. Есдүгээр сарын 8-ны даваа гарагийн орой хоригийг буцаах үед эсэргүүцлийн жагсаал улам өргөн хүрээтэй хөдөлгөөн болон хувирчээ.

Олон түмэн улстөрчдийн гэр, албан тушаалтны байрыг шатаажээ.

Амиа алдсан хүмүүсийн олонх нь буудуулсан. Харин бусад нь галд түлэгдсэн эсвэл цагдаа нартай мөргөлдөх явцдаа нас барсан. Эрх баригчид хог хаягдлыг цэвэрлэх явцад хохирогчдын тоо нэмэгдсээр байна.

Энэхүү буруутгалын хариуд Непалын цагдаа нар хоёр өдрийн хүчирхийллийн жагсаалын үеэр юу болсныг мөрдөн шалгахаа мэдэгдэв. Аюулгүй байдлын хүчнийхэнд гал нээх тушаалыг хэн өгсөн нь одоог хүртэл тодорхойгүй байна. Ноён Шрестха шиг хэд хэдэн гэр бүл хайртай хүмүүсийхээ цогцсыг таньж батлахын тулд шарил хадгалах газрын гадаа хүлээж байна.

Рашик КС хэмээх нэгэн эр 22 настай зээ дүү Рашик Хативадагийн цогцсыг хүлээж байна

Рашик цээжиндээ хоёр удаа буудуулсан гэж ноён КС хэлэв. 

Түүний зовлон одоо уур хилэн болон хувирч Засгийн газар.ямар нэгэн хариуцлага тооцохыг шаардаж байна.

"Бид шударга ёсыг хүсч байна" гэж тэр хэлэв. 

22 настай Абишек Шрестха "Олон улсын хуулиар гал нээж болохгүй шүүдээ" гэж эмнэлгийн орон дээр, ирэх сарын турш гэрээсээ ярьж байна. Буудсан баруун хөлийг нь ороосон цагаан, ягаан өнгийн самбайнаас төмөр саваа цухуйжээ.

"Би Непал хүн, тэд намайг буудах эрхгүй, гэхдээ тэд намайг буудсан. Энэ бүхэн засгийн газар, цагдаа, дүрэм журам, зохицуулалтаас болсон. Бид үүнийг өөрчлөх ёстой."

"Улстөрчид уучлаарай гэж хэлнэ. Уучлаарай гэдэг нь үхсэн хүүг дахин амьдруулахгүй.”