Сэжигтэн Йорданис Кобос-Мартинезыг өөрийн менежер 50 настай Чандра Нагамаллайагийн амийг хөнөөсөн хэргээр баривчилжээ.

 Карнатака мужаас гаралтай Чандра Нагамаллаиа 37 настай Йорданис Кобос-Мартинезийг эвдэрсэн угаалгын машин ашиглахгүй байхыг зөвлөснөөр лхагва гарагт тус хэрэг гарсан байна.

Нагамаллайа өөрөөс нь асуухын оронд түүний зааварчилгааг орчуулахыг өөр нэг ажилтнаас хүссэнд Кобос-Мартинез бухимдсан байна.

Сэжигтэн дараа нь 50 настай эрийг олон удаа хутгалсан байна. Нагамаллайа машины зогсоолоос урд оффис руу зугтах гэж оролдсон боловч баригджээ.

Нагамаллайагийн эхнэр, 18 настай хүү хоёр ч мөн урд оффисоос гарч ирээд Кобос-Мартинезийг зогсоохыг оролдсон боловч тэднийг түлхэж холдуулсан байна.

Дараа нь сэжигтэн хохирогчийн толгойг тасалж аваад өшиглөсөн гэжээ.

Энэтхэгийн Консулын газраас Нагамаллайагийн "харамсалтай" үхэлд эмгэнэл илэрхийлж, "Бид гэр бүлийнхэнтэй нь холбоотой байгаа бөгөөд боломжтой бүх тусламжийг үзүүлэх болно. Сэжигтэн Даллас хотын цагдаагийн газарт цагдан хоригдож байгаа. Бид энэ асуудлыг анхааралтай ажиглаж байна" гэж Хьюстон хотод суух Консулын газраас мэдэгджээ.