Польш улс 12-р сарын 9 хүртэл зүүн хилийн дагуу агаарын тээврийн хязгаарлалт хийнэ. Польшийн Ерөнхий сайд Дональд Туск Украин руу чиглэсэн Оросын дроныг Польшийн хүчин сөнөөснөөс нэг өдрийн дараа улс орныхоо армийг шинэчлэх томоохон хөтөлбөрийг хэрэгжүүлэхээ амлав.  

Польшийн Агаарын Навигацийн Үйлчилгээний Агентлаг Пүрэв гарагт Польш улс Беларусь, Украинтай зүүн хилийн дагуу агаарын хөдөлгөөнийг хязгаарласан гэж мэдэгдэв.  Энэ алхмыг Польшийн армийн хүсэлтээр үндэсний аюулгүй байдлын үүднээс хийсэн гэж мэдэгдсэн ч дэлгэрэнгүй мэдээлэл өгөөгүй. Зеленский Финляндын Ерөнхийлөгч Александр Стуббын хамт Киевт хийсэн хэвлэлийн бага хурал дээр хэлэхдээ холбоотнууддаа агаарын довтолгооноос хамгаалах хүчин чадлаа эргэн харахыг уриалж, пуужинд суурилсан системийг хямд үнэтэй дроны эсрэг ашиглахад хэтэрхий үнэтэй гэдгийг нэмж хэлэв. 

Оросын газрын тос, байгалийн хийг худалдаж авснаар Кремлийн “дайны машин”-г санхүүжүүлэх болсон гэж Европын холбооны гишүүн нөхдөдөө хатуухан зэмлэлүүдийг хэлээд амжсан юм.  Стубб мөн Оросын нисгэгчгүй онгоцыг Польш руу чиглүүлсэн нь Москва НАТО-той "хурцадмал байдлыг эрэлхийлж" байгааг харуулж байгаа бөгөөд Европ Орост цаашид шахалт үзүүлэх шаардлагатай байгааг харуулж байна гэжээ.