Бразилийн ерөнхийлөгч асан Хаир Болсонаро 2022 оны сонгуульд ялагдсаныхаа дараа засгийн эрхэнд үлдэхийн тулд төрийн эргэлт хийхийг оролдсон хэрэгт буруутгагдан пүрэв гарагт 27 жил гурван сарын хорих ялаар шийтгүүлжээ.

Бразилийн Дээд шүүхийн таван шүүгчээс бүрдсэн шүүх бүрэлдэхүүн ялыг хүлээн зөвшөөрсөн нь 70 настай Болсонаро тус улсын түүхэнд ардчилалд халдсан хэргээр ял шийтгүүлсэн анхны экс ерөнхийлөгч болж Трампын засаг захиргааны дургүйцлийг төрүүлэв. Таван шүүгчийн дөрөв нь экс ерөнхийлөгчийг дараах таван гэмт хэрэгт буруутгах санал өгчээ.

Үүнд зэвсэгт гэмт хэргийн бүлэглэлд оролцсон, ардчиллыг хүчирхийллээр устгах оролдлого, төрийн эргэлт зохион байгуулсан, төрийн өмч болон хамгаалагдсан соёлын үнэт зүйлсийг гэмтээх. Энэ хэрэгийг "шулмын ан" гэж тодорхойлсон Болсонарогийн ойрын холбоотон Д.Трамп тарифыг өсгөж, даргалагч шүүгчийн эсрэг хориг арга хэмжээ авч, дээд шүүхийн ихэнх шүүгчдийн визийг хүчингүй болгож магадгүй байна. Пүрэв гарагт ялын талаар асуухад Трамп Болсонарог дахин магтаж, шүүхийн шийдвэрийг "аймшигтай зүйл" гэж нэрлэв.