АНУ-ын консерватив идэвхтэн, АНУ-ын Ерөнхийлөгч Дональд Трампын нөлөө бүхий холбоотон Чарли Кирк Юта мужид нэгэн их сургуулийн арга хэмжээний үеэр буудуулж амиа алдсан нь илт улс төрийн аллага юм.

 Трамп лхагва гарагт олон нийтийн сүлжээгээр дамжуулан АНУ-ын "Turning Point" идэвхтэн залуучуудын бүлгийн үүсгэн байгуулагч 31 настай Кирк нас барсныг зарлав.

 “Агуу, тэр бүү хэл домогт гэж болох Чарли Кирк амиа алдлаа” гэж Трамп Truth Social платформ дээрээ бичжээ.

"Америкийн Нэгдсэн Улс дахь Залуучуудын зүрх сэтгэлийг Чарлигаас илүү сайн ойлгож, эзэмдсэн хүн байхгүй. Түүнийг БҮХ хүмүүс, ялангуяа би хайрлаж, биширч байсан, одоо тэр биднийг орхин одлоо."

Ерөнхийлөгч Трамп дараа нь Киркийн хүндэтгэлд зориулж ням гараг хүртэл АНУ даяар төрийн далбаагаа хагас хүртэл буулгах тушаал өгсөн гэж мэдэгджээ.

Чарли Кирк нь олон нийтийн сүлжээнд уламжлалт гэр бүлийн хэв маяг, шашин шүтлэгийн чухлыг сурталчилж ЛГБТ эрх, арьс өнгөний хэт туйлширсан үзэл зэргийг шүүмжилж илтгэл тавин хүмүүстэй мэтгэлцэж буй бичлэгүүдээрээ олон нийтийн сүлжээнд танигдсан билээ.

Холбооны мөрдөх товчооны дарга Каш Пател Чарли Киркийг буудсан хэрэгт сэжиглэгдэж баригдсан "субъект" суллагдсан гэж мэдэгдэв.

 Тэрбээр "Хуулийн байгууллага байцаалт авсны дараа цагдан хоригдсон этгээдийг сулласан" гэж тэр бичжээ. "Бид мөрдөн байцаалтын ажиллагааг үргэлжлүүлж байгаа бөгөөд ил тод байдлыг хангах үүднээс үргэлжлүүлэн мэдээлэл өгөх болно." гэжээ.

 Яг хэнийг баривчилсан талаар тодорхой мэдээлэл байхгүй байна.

 Өмнө нь Пател болон Юта мужийн амбан захирагч Спенсер Кокс сэжигтэнг баривчлан саатуулж байна гэж мэдэгдсэн ч өөр нэгэн албан тушаалтан Бо Мэйсон сэжигтэн эрх чөлөөтэй байгаа гэж мэдэгджээ.