Сургуулийн насны таргалалттай хүүхдүүдийн тоо дэлхийн хэмжээнд тураалтай хүүхдүүдийн тооноос давсан тухай НҮБ-ын Хүүхдийн сангаас гаргасан шинэ тайланд дурджээ.

 Лхагва гарагт гаргасан тайланд дурдсанаар 5-19 насны хүүхдүүдийн дунд таргалалт анх удаа хоол тэжээлийн дутагдлаас давсан үзүүлэлттэй байна.

 Одоо үед "бид тэжээлийн дутагдлын тухай ярихдаа зөвхөн тураалтай хүүхдүүдийн тухай ярихаа больсон" гэж НҮБ-ын Хүүхдийн сангийн тэргүүн Кэтрин Рассел тайланг гаргахдаа хэлсэн үгэндээ дурджээ. 

НҮБ-ын Хүүхдийн сангийн судлаачдын үзэж байгаагаар таргалалт нэмэгдэх хандлага нь хүнсний эрүүл бус байдалтай холбоотой.

 Тус тайланд "элсэн чихэр, цэвэршүүлсэн цардуул, давс, эрүүл бус өөх тос, нэмэлт бодис агуулсан хэт боловсруулсан болон түргэн хоол нь хүүхдийн хоолны дэглэмд хувийн сонголт хамаарахгүй эрүүл бус хүнсний орчинг бий болгож байна" гэж анхааруулжээ.