Хойд Солонгосын удирдагч Ким Жон Ун БНАСАУ байгуулагдсан өдөрт зориулан хэлсэн үгэндээ хилийн чанад дахь Хойд Солонгосын цэргүүд болон ард түмэнд мэндчилгээ дэвшүүлж, улс орныхоо аюулгүй байдлыг цохон тэмдэглэсэн тухай тус улсын төрийн хэвлэл KCNA лхагва гарагт мэдээлжээ.

 "(Би) хилийн чанад дахь цэргийн ажиллагаанд үүрэг гүйцэтгэсэн генералууд, цэргийн офицерууд, цэргүүдэд халуун мэндчилгээ дэвшүүлье" гэж Ким хэлжээ.

 Ким мөн Пхеньянд үйлдвэрлэл болон бусад салбарт хувь нэмрээ оруулсан иргэдтэйгээ зураг татуулсан гэж KCNA мэдээллээ.

 Өмнөд Солонгосын тагнуулын агентлаг энэ сард Украины эсрэг дайнд ОХУ-ын талд тулалдахаар илгээсэн Хойд Солонгосын 2000 орчим цэрэг амь үрэгдсэн гэж тооцоолсон. Тус агентлаг Хойд Солонгос дахин 6000 цэрэг оруулахаар төлөвлөж байгаа бөгөөд 1000 орчим цэрэг аль хэдийн Орост очсон талаар мэдэгдсэн. 

Ким БНХАУ-д энэ сард болсон хамгийн том олон талт дипломат арга хэмжээнд оролцох үеэр Ши Жиньпин, Владимир Путин нар ойр дотно харилцаатай байхаа амласан.

 БНАСАУ үүсгэн байгуулагдсан өдрөө буюу есдүгээр сарын 9-ний өдрийг бүх нийтийн бүжиг зохион байгуулж, салют буудуулан тэмдэглэжээ.