Даваа гарагт Францын парламентын гишүүд Ерөнхий сайд Франсуа Байруг огцруулахаар санал хурааж, улс төрийн хямралд орж, эдийн засгийн хүндрэл, геополитикийн хурцадмал байдал нэмэгдэж байгаа энэ үед засгийн газаргүй үлдэхэд хүргэв.

Байругийн эсрэг нийт 364 парламентын гишүүн санал өгсөн бол 194 гишүүн Ерөнхий сайдыг дэмжиж санал өгсөн байна.  

44 тэрбум евро буюу 51 тэрбум ам.долларын хэмнэлтийн төлөвлөгөөнд бүх нийтийн хоёр баярыг цуцлах, засгийн газрын зардлыг царцаах зэрэг багтсан нь түүнийг унагахад хүргэжээ.

 Байругийн эсрэг 364 санал авсан нь засгийн газрыг унагахад шаардлагатай 280 саналын босгоноос хамаагүй давсан байна. 

Байру өнгөрсөн арванхоёрдугаар сард итгэл үзүүлэх санал хураалтад ялагдсан өмнөх ерөнхий сайд Мишель Барниерийн араас есөн сарын дараа албан тушаалаасаа огцрохоос өөр аргагүйд хүрнэ. 

Францын Ерөнхийлөгч Эммануэль Макрон ирэх өдрүүдэд шинэ Ерөнхий сайдаа томилно гэж мэдэгдлээ.  

Батлан хамгаалахы сайд Себастьян Лекорну, Хууль зүйн сайд Жеральд Дарманин нар өрсөлдөж магадгүй байна.