Өнгөрсөн сард АНУ-ын Хойд Каролина мужид галт тэргэнд 23 настай Украин дүрвэгч Ирина Заруцкаг хөнөөсөн хэрэг түгшүүр дэгдээв.

 Олон нийтийн сүлжээгээр тарсан видео бичлэгт хохирогч Заруцкаг галт тэргэнд сууж байхад нь санамсаргүй халдлага мэт байдлаар араас нь хэд хэдэн удаа хутгалсныг харуулсан байна.

 Сэжигтэн 34 настай Декарлос Браун Жуниор нэгдүгээр зэргийн аллага үйлдсэн хэрэгт буруутгагдаж байна. Дүрс бичлэг олон нийтийн сүлжээгээр тархаж, нөлөөлөгчид, тоймчид, улс төрчдийн анхаарлыг татсан.

 Шарлотт хотын дарга даваа гарагт энэ аллагыг "шүүх, шүүгчдийн эмгэнэлтэй бүтэлгүйтэл" гэж нэрлэв. Тэрээр нийтийн тээврийн газруудад олон офицер ажиллуулахаа амлав. Ерөнхийлөгч Дональд Трамп Даваа гарагт хохирогчийн гэр бүлд "хайр, итгэл найдвар" хүсэж, энэ хэргийг "аймшигтай" гэж мэдэгджээ.

  Заруцкаг 2022 онд эх, ах дүүсийнхээ хамт Украины дайнаас зугтаж, "АНУ-д шинэ амьдралаа хүлээж авсан" гэж гэр бүлийнхэн нь цахимд бичжээ.

 Түүнийг "авьяаслаг, хүсэл тэмүүлэлтэй зураач" бөгөөд амьтдад хайртай нэгэн, “гэр бүл, хайртай хүмүүсээрээ хүрээлэгдсэн үед хамгийн аз жаргалтай" байсан гэжээ.

  Хойд Каролина мужийн амбан захирагч Жош Стейн Заруцкагийн амийг хөнөөж буй бичлэгийг хараад "айсан" гэж мэдэгджээ.

 "Хүмүүсийн аюулгүй байдлыг хангахын тулд бидэнд илүү олон цагдаа хэрэгтэй байна" гэж Ардчилсан мужийн захирагч X дээр нийтлээд "Манай муж болон орон нутгийн агентлагуудын сул орон тоог шийдвэрлэхийн тулд эдгээр аймшигт гэмт хэргийг таслан зогсоож, хүчирхийллийн гэмт хэрэгтнүүдэд хариуцлага тооцох" хууль сахиулах багц хууль батлахыг мужийн хууль тогтоох байгууллагад уриалав.

Бүгд найрамдахчууд болон баруун жигүүрийн тоймчид энэ үйл явдалд шүүхийн тогтолцоо ямар үүрэг гүйцэтгэсэн талаар асуулт тавьж, Браун гэмт хэрэгт холбогдсон ч яагаад эрх чөлөөтэй байсан тухай зэрэг асуултуудыг тавьжээ.

 CNN-ийн олж авсан мэдээллээр түүнийг зэвсэгт дээрэм, хулгайн гэмт хэрэг үйлдсэн хэргээр буруутгаж, аюултай зэвсгээр дээрэм хийсэн хэргээр найман жил шоронд хорисон. Мөн тэрбээр сэтгэцийн эрүүл мэндийн асуудалтай, орон гэргүй болсон гэж хэвлэлүүд мэдээлж байна.

 Хотын дарга Лайлс мэдэгдэлдээ "Үйлдсэн хэргийхээ үр дагаварт өртөхгүй удаа дараа гэмт хэрэг үйлдэгсэд болон сэтгэцийн өвчнийг эмчлэх боломжгүй гудамжинд зүгээр л алхаж яваа хүмүүсийг шийдвэрлэх шаардлагатай" гэжээ.