2023 оны 6-р сард Оросын олон нийтийн мэдээллийн сувгуудаар Украины танкийг дрон хүчтэй дэлбэрэлтээр устгаж буй дүрс бичлэг тархаж эхэлсэн.

 Тэр бичлэгийн дараа шатаж буй сэг рүү чиглэн инээж "Тэд миний модон танкийг оночихлоо!" гэж хэлж буй цэргийн бичлэг нийтлэгдсэн.

 Энэ танк нь Украин цэргүүд оросуудыг хууран мэхлэхийн тулд ашигладаг фанераар хийсэн хуурамч загвар бололтой.

 Энэ бол Украин, Орос хоёрын дайсныг хууран мэхэлж, үнэ цэнэтэй сум, цаг, хүчийг нь дэмий үрэх зорилгоор ашигладаг олон мянган цэргийн техникийн загваруудын нэг юм.

 Жижиг радар, гранат харвагчаас эхлээд жийп, ачааны машин, танк, жинхэнэ цэргүүд хүртэл фронтын шугам дээрх бүх зүйл хуурамч байж болзошгүй юм.

 Эдгээр дуураймал загварууд нь хавтгай, хийлдэг, 2D хэлбэртэй эсвэл радио долгионыг тусгай аргаар тусгах замаар танкийн радарт хуурмаг үзэгдлийг бий болгож болно.

 Украинд байршуулсан зарим төрлийн зэвсгийн тухайд дор хаяж тал хувь нь хуурамч дуураймал байдаг байна.

Украины армийн хамгийн алдартай дуураймлуудын дунд Британид үйлдвэрлэсэн M777 гаубицын загварууд байдаг. 

 Барууны холбоотнууд Украины "Гурван тэнхлэг" гэж хочилдог эдгээр өндөр маневрлах чадвартай, нарийвчлалтай 150 гаруй их бууг Киевт нийлүүлсэн. Фанераар хийгдсэн хуурамч дуураймал загварууд 500-600 долларын үнээр бүтдэг.

 Орос тэднийг ихэвчлэн 35,000 долларын үнэтэй Lancet камиказе дроноор онилдог байна.  

 Толя хочит M777 загваруудын нэг нь фронтод жил гаруй хугацааг өнгөрөөж, дор хаяж 14 Ланцетийн цохилтыг даван туулжээ.

 Оросын хуурмаг зэвсэг техник бас баялаг бөгөөд олон янз байдаг.

 Саяхан Оросын агаарын довтолгоонд оролцсон дронуудын тал орчим хувь нь үнэндээ хямд төсөр дуураймлууд байсан гэж Украины арми мэдэгдэв.

 Агаарт байхдаа Украины радаруудад үхлийн аюултай Шахед дронтой адилхан харагддаг байна. 

 Хуурамч дуураймал техник ашиглаж дайснаа төөрөгдүүлэх нь цоо шинэ зүйл биш бөгөөд 2-р дайны үед ийм аргууд олон ашиглагдаж байсан. 

Дэлхийн 2-р дайнаас хойш цэргийн технологи асар их сайжирсан. Тулааны талбар дээрх дронууд болон нисгэгчгүй системүүд нь энэ дайны томоохон шинэлэг зүйл юм.