9-р сарын 9-ний Мягмар гарагт Apple компани шинэ технологи, программ хангамжийг олон нийтэд түгээдэг "Awe Dropping" нэртэй жил бүрийн нээлтийн арга хэмжээгээ зохион байгуулах гэж байна.  

Энэхүү арга хэмжээний үеэр iPhone 17-г бусад шинэ төхөөрөмжүүд, функцуудын хамт танилцуулахаар байна. iPhone 17 нь хэмжээ, үйл ажиллагааны хувьд iPhone 16-тай төстэй байх төлөвтэй байна гэж Apple-ийн мэдээллийн хэрэгсэл MacRumors мэдээлэв. 

 Мэргэжилтнүүд iPhone 17-г iPhone 16-ийн 12 мегапикселийн урд камертай харьцуулахад сайжруулсан 24 мегапикселийн урд камертай байна гэж үзэж байна.

 Хэрэв Apple өнгөрсөн жилүүдийн адил хуваарийг дагаж мөрдвөл шинэ iPhone 17 9-р сарын 19-ний Баасан гарагт худалдаанд гарах бөгөөд урьдчилсан захиалга 9-р сарын 12-ны Баасан гарагт нээгдэнэ. 

2025 онд iPhone 17, iPhone 17 Pro, iPhone 17 Pro Max, шинэ iPhone 17 "Air" гэсэн дөрвөн загвар гарж магадгүй гэсэн хүлээлт үүсээд байна. 

 iPhone 17 Plus байхгүй болно, Apple компани "Plus" цуврал хэрэглэгчдийн дунд газар авахгүй байгаа учир орхиж магадгүй. 

 Нарийн болгосон iPhone 17 Air нь iPhone 17 Plus-ийг шууд орлохгүй, харин шинэ төхөөрөмжийн сонголтоор анхны загвараа гаргана. Удахгүй гарах iPhone 17 Air нь 6.6 инч дэлгэцтэй, 5.5 мм зузаантай байх болно гэсэн цуу яриа гарч байна.