Авсралийн иргэн Эрин Паттерсон "хорон цагаан” мөөгөөр гурван хүний ​​амийг хордуулан хөнөөсөн хэргээр 33 жилийн хугацаатай хорих ялаар шийтгүүлсэн байна.  

Даваа гарагийн өглөө Виктория мужийн дээд шүүхийн шүүгч Кристофер Бил ял оноосныг шууд дамжуулсан байна. Шүүгч Бил Паттерсоныг гэмт хэргийнхээ төлөө ялын дээд хэмжээгээр шийтгүүлэх ёстой гэж мэдэгджээ.

Тэрбээр Хизер Вилкинсон, Дон, Гэйл Паттерсон нарыг хөнөөсөн хэргээр түүнд бүх насаар нь хорих ял оноож, Иан Вилкинсоныг хөнөөхийг завдсан хэргээр 25 жилийн хорих ялыг нэгэн зэрэг эдлүүлэхээр болжээ.  Паттерсон 676 хоног цагдан хоригдсон байна.  Түүний хувьд 2056 онд тэнсэн суллах хүсэлт гаргах эрхтэй болох бөгөөд 82 нас хүрсэн байх юм.   

Долдугаар сард 11 долоо хоног үргэлжилсэн шүүх хурлын дараа тангарагтны шүүх 50 настай Паттерсоныг түүний салсан нөхөр Саймон Паттерсоны эцэг эх болох Дон, Гейл Паттерсон, Саймоны авга эгч Хизер Вилкинсон нарыг хөнөөсөн хэрэгт буруутай гэж үзжээ.  Шүүгчид мөн Паттерсоныг Хизерийн нөхөр Иан Вилкинсоныг хөнөөхийг завдсан хэрэгт буруутгав. Паттерсон 2023 оны долоодугаар сард үдийн зоог барих үеэр зочдыг “хорон цагаан” гэх мөөгөөр хийсэн үхрийн махан веллингтоноор хоолложээ.