Афганистаны зүүн хэсэгт 6 баллын хүчтэй газар хөдлөлт болсны дараа 600 гаруй хүн амь үрэгдлээ гэж Талибаны Дотоод хэргийн яам мэдээлэв. Талибаны засгийн газрын эх сурвалжийн мэдээлснээр Афганистаны ихэнх тосгон 6 баллын хүчтэй газар хөдлөлтөд өртөж, олон арван байшин нуржээ.

Газар хөдлөлтийн төв нь Афганистаны зүүн Нангархар мужид орших тус улсын тав дахь том хот болох Жалалабадаас 27 км зайд байв. Газар хөдлөлт Кунар, Лагман мужуудад ч мэдрэгдсэн бөгөөд тус улсын нийслэл Кабулаас 140 км зайд мэдрэгдсэн байна. Талибуудын засгийн газар шархадсан хүмүүсийг Нангархарын нисэх онгоцны буудал руу хүргэхээр нисдэг тэрэгнүүдээ бэлдсэн гэж мэдэгджээ.

Онгоцны буудлаас шархадсан хүмүүсийг түргэн тусламжийн машинаар бүс нутгийн эмнэлгүүдэд хүргэж, эмчлүүлж байгаа гэнэ. Засгийн газар гамшгийн үед бүх иргэний болон цэргийн албан хаагчид оролцож байна гэж мэдэгджээ.