Японы хамгийн өндөр уул болох Фүжи (3,776 м)-д 102 настай Кокичи Акузава амжилттай авирч, тус оргилд гарсан хамгийн өндөр настай хүнээр Гиннесийн дэлхийн рекордод бүртгэгдлээ.

Акузава гуай 1923 онд төрсөн бөгөөд зүрхний өвчтэй ч эрүүл мэнддээ анхаарч, өглөө бүр тогтмол алхдаг, мөн ууланд авиралт хийж дасгалждаг байжээ. Тэрбээр энэ удаагийн авиралтад 3 өдөр зарцуулж, 2025 оны наймдугаар сарын 5-нд өглөө 11 цагийн үед оргилд хүрсэн байна.

Фүжи уул нь Японы бэлгэ тэмдэг төдийгүй жил бүр олон мянган жуулчин, уулчдыг татдаг алдартай оргил. Ахмад уулчны энэхүү амжилт Японд төдийгүй дэлхий даяар олон хүнд урам зориг өгсөн үйл явдал болж байна.