Украины армиас Оросын арми зүүн зүгийн аж үйлдвэрийн бүс нутаг болох Днепропетровск руу нэвтэрч, байр сууриа тогтоохоор хичээж байгааг хүлээн зөвшөөрчээ.

"Энэ бол Днепропетровск мужид ийм том хэмжээний анхны халдлага болж байгаа явдал" гэж Днеприйн цэргийн оператив-стратегийн бүлгийн ажилтан Виктор Трехубов ВВС агентлагт мэдээлсэн. ОХУ-ын Днепропетровск руу довтлосон үйлдэл нь Украинчуудын сэтгэл санаанд цохилт болно. Ерөнхийлөгч Дональд Трамп ОХУ-ын Владимир Путинтай Аляскад уулзсан ч дайныг эцэс болгох АНУ тэргүүтэй улс орнуудын дипломат оролдлого амжилтгүй болж байх шиг байна. Донецк болон Украйны зүүн дөрвөн бүс нутгаас ялгаатай нь Днепропетровскийг эзэлсэн гэж зарлаагүй байгаа бөгөөд бүс нутгийн нийслэл Днепр зэрэг томоохон хотууд руу дайрч байна.

Путин Трампад хэрвээ Украин хяналтандаа байгаа Донецк мужийн нутгийг өгвөл дайныг зогсооход бэлэн байна гэж хэлсэн гэх мэдээлэл байгаа ч Оросын удирдагч өөр төлөвлөгөөтэй байгаа гэж олон украинчууд үзэж байгаа.