Украин наймдугаар сарын 24-нд тусгаар тогтносны 34 жилийн ойгоо тэмдэглэсэн бөгөөд Влодимир Зеленский тус улс эзлэгдсэн газар нутгаа буцааж нэгтгэх нь зөвхөн цаг хугацааны асуудал гэж мэдэгдэв.

Тэрбээр "Хэзээ нэгэн цагт украинчуудын хоорондын зай арилж, бид дахин нэг гэр бүл, нэг улс шиг хамт байх болно. Энэ бол цаг хугацааны л асуудал" гэжээ.

Украины ерөнхийлөгч мөн Чарльз хаанаас өөрт нь илгээсэн "Украины ард түмний няцашгүй эр зориг, оюун санааг хамгийн ихээр биширч байна" гэж бичсэн захидлыг хуваалцав.

Ромын Пап лам Лео ижил төстэй захидалдаа "Зэвсэгт шуугиан нам гүм болж, яриа хэлэлцээнд зам тавьж, энх тайванд хүрэх замыг нээж магадгүй" гэж найдаж байна хэмээсэн байна.

Трамп "Одоо бол утгагүй аллагыг зогсоох мөч" гэж хэлээд "Украины бүрэн эрхт байдал, нэр төрийг хамгаалж, цус урсгаж буйг зогсоож, урт удаан хугацаанд энх тайвныг тогтоох хэлэлцээрийн замаар шийдвэрлэхийг" уриалав.

ОХУ-ын Ерөнхийлөгч Владимир Путины ойрын холбоотон Ши Жиньпиний захидалд дайны талаар огт дурдаагүй бөгөөд Хятад улс эхэлснээс нь хойш Украйн дайны асуудалд төвийг сахьсан байр суурь баримталж байгаа билээ.