Цагт 175 км-ийн хурдтай Кажики хар салхи удалгүй Вьетнамд хүрэх төлөвтэй байна.

Хар салхиний хүч дээд талдаа 118-180км/ц байдаг. Мөн Хятадын Хайнань арлын оршин суугчдыг нүүлгэн шилжүүлэх тушаал гарсан байна. Вьетнамын эрх баригчид ням гарагт Кажики хар салхи ойртож байгаа тул төвийн дөрвөн мужаас 500,000 гаруй хүнийг нүүлгэн шилжүүлэхээр бэлтгэж байна. Тхань Хоа, Куан Три, Хуэ, Дананг зэрэг хотуудын 150 мянга гаруй өрхийг хоргодох байр руу нүүхийг тушаажээ.

Вьетнамын агаарын тээврийн Vietnam Airlines болон Vietjet компаниуд цаг агаарын таагүй нөхцөл байдлын улмаас нислэгээ цуцалжээ. АНУ-ын хар салхины сэрэмжлүүлгийн нэгдсэн төвийн мэдээлснээр Кажики Өмнөд Хятадын тэнгисээр 175 км/цаг салхины хурдтай явж байсан байна. Хүчтэй аадар бороо орж, үер буух төлөвтэй байна. Хятадын Санья амралтын хот далайн хар салхи ойртож байгаа тул үйл ажиллагаагаа зогсоожээ.

Мөн шуурга Хятадын Хайнань арлыг дайран өнгөрч 20,000 хүнийг нүүлгэн шилжүүлэх тушаал гарсан байна.