Өнгөрсөн шөнө буюу Вашингтон ДС хотын цагаар Даваа гаригийн үдээс хойш Цагаан Ордонд 2 удаагийн чухал уулзалт амжилттай боллоо.

АНУ-ын Ерөнхийлөгч Д.Трамп, Украины Ерөнхийлөгч В.Зеленский нарын уулзалт дулаан уур амьсгалтай болжээ.Үүний дараа Европын Комисс, НАТО, Их Британи, Франц, Герман, Итали, Финлянд, Украин улсын төлөөлөгчид хамтран Ерөнхийлөгч Д.Трамп болон бусад төлөөлөгчидтэй хамтран уулзаж ярилцлаа.Уулзалтын дараа В.Зеленский, Э.Макрон, А.Стубб болон бусад төлөөлөгчдийн хэвлэлд өгсөн ярилцлагаас үзвэл:

- Украины аюулгүй хамгаалах асуудлыг цаашид буюу ирэх 10 хоногийн дотор нарийвчлан авч үзнэ.

- Европын Холбооны зарим улсууд, үүний дотор Франц, Их Британи улсын зүгээс Украинд энхийг сахиулах үйлсэд оролцоход бэлэн байгааг илэрхийлэв

- Украин ба ОХУ-ын талуудын уулзалтад Украины тал оролцоход бэлэн гэхдээ дайны галыг зогсооход ямар нэг нөхцөл болзол тулгах ёсгүй;

- Дайны галыг зогсоох тохиролцоонд хүрэхэд цаашид Украинд дахин халдан довтлохгүй байх Аюулгүй байдлын баталгаа гаргах асуудалд АНУ-ын оролцох боломжтой гэдгээ илэрхийлжээ.

- АНУ-ын Ерөнхийлөгч Д.Трампын зүгээс Украин -Оросын талын дээд түвшний нүүр тулсан уулзалтыг зуучлан зохион байгуулах болно гэжээ. 

Цагаан Ордонд болсон дээрх уулзадтууд их амжилттай болж өндөрлөлөө. 

Эх сурвалж: Ройтерс, ВВС, CNN.