2025 оны наймдугаар сарын 12-нд БНСУ-ын Сөүл дүүргийн шүүх Ерөнхийлөгч асан Юн Сок Ёлийн гэргий, тэргүүн хатагтай асан Ким Гён-хиг авлигын хэргээр баривчлах зөвшөөрөл олгов. Шүүхийн шийдвэрийн дараагаар тусгай мөрдөн шалгах баг түүнийг албан ёсоор баривчилсан нь тус улсын түүхэнд анх удаа Ерөнхийлөгч болон түүний гэргий зэрэг баривчлагдсан тохиолдол болж байна.

Ким Гён-хи нь 2009–2012 онд Deutsch Motors компанийн хувьцааны үнэт цаасыг зохиомлоор өсгөж, нийт 800 сая вон (ойролцоогоор 428 мянган фунт стерлинг)-ийн ашиг олсон гэх хэрэгт холбогджээ. Мөн сонгуулийн өмнө үнэгүй санал асуулгын үйлчилгээний нэрээр 270 сая вон хандив авч, нэр дэвшигчийн сонгуулийн үйл ажиллагаанд нөлөөлсөн, нэгэн шашны бүлгээс Chanel брэндийн цүнх болон үнэт эдлэл хүлээн авсан зэрэг зөрчлүүдэд буруутгагдаж байна.

Шүүх Кимийг “нотлох баримт устгах өндөр эрсдэлтэй” гэж үзсэн нь баривчлах гол үндэслэл болжээ. Харин тэрбээр өөрийгөө гэм буруугүй хэмээн мэдэгдэж, мөрдөн шалгалтын явцад олон нийтээс уучлалт гуйсан байна.

Сүүлийн саруудад түүний магистр болон докторын зэрэг нь хуурамч мэдээлэлтэй холбоотойгоор цуцлагдсан нь олон нийтийн дургүйцлийг нэмэгдүүлсэн юм.