Иран улсын баруун хойд хэсгийн Урмя хотын төв шоронд гурван хоригдолд хулгайн хэргээр оноосон шийтгэлийг гүйцэтгэж, тэдний баруун гарын дөрвөн хурууг тайрсан байна. Шийтгэлийг тусгай зориулалтын гуилотин төхөөрөмжөөр гүйцэтгэсэн бөгөөд оройны цагаар эмнэлгийн багийн хяналтан дор хийгджээ.

Хоригдол болох Хади Ростами (39 настай), Мехди Шарафиан (42 настай), Мехди Шахиванд (29 настай) нарыг өмнө нь хулгайн хэргээр яллаж, 2019 оны 11-р сараас баривчлагдсан бөгөөд Ираны 4 мужийн нутагт 40 гаруй хулгай үйлдсэн нь тогтоогдоод байгаа ажээ. Тэд хэргээ хүлээлгүй, хулгайлсан эд зүйлээ буцаан өгөхийг хүсэхгүй байсан тул ийм хатуу шийтгэл оноосон байна.

Гэмт этгээдүүд 2017 оны наймдугаар сараас 2019 оны 11 дүгээр сарын хооронд баривчлагдсан бөгөөд Ираны 4 мужийн нутагт 40 гаруй хулгай үйлдсэн нь тогтоогдоод байгаа ажээ.

Тэд хэргээ хүлээлгүй, хулгайлсан эд зүйлээ буцаан өгөхийг хүсэхгүй байсан тул ийм хатуу шийтгэл оноосон байна.

Энэхүү шийтгэлийг олон улсын хүний эрхийн байгууллагууд эрс шүүмжилж байгаа юм. “Human Rights Watch”, “Amnesty International” зэрэг байгууллагууд уг үйлдлийг хүний эрхийн ноцтой зөрчил, харгис, хүнлэг бус, доромжилсон шийтгэл хэмээн нэрлэж, Ираны эрх баригчдыг хариуцлага хүлээлгэхийг уриалжээ.

НҮБ-ын Иргэний болон улс төрийн эрхийн олон улсын пакт (ICCPR)-ын дагуу ийм төрлийн шийтгэл нь хүний нэр төр, бие махбодын халдашгүй байдлыг зөрчиж байгаа тул хориглох ёстой гэж үзэж байна.