Хятадын цахим орчинд “Улаан авга” хочит трансжендер хүний тухай дуулиант түүх олны анхаарлын төвд ороод буй. Вьетнам гаралтай Хонг Ти Бак (Hong Ty Bac) гэх энэ хүн өөрийгөө олон жилийн турш эмэгтэй мэт дүрслэн, нийт 1691 эрэгтэйтэй сэтгэл хөдлөлийн болон бие махбодийн харилцаа тогтоосон гэдгээ илчилсэн нь цахим хэрэглэгчдийн гайхширлыг төрүүлээд байгаа билээ.

Түүний нүүр будалтын ур чадвар, эмэгтэй хүний дүрд амжилттай хувирсан байдал нь олон эрчүүдийг төөрөгдөлд оруулж, хүйсээ нууцалсан хэлбэрээр харилцаанд орж байсныг мэдээлсэн байна. Үнэн илчлэгдсэний дараа будаггүй төрхийн зураг нь түгэж, олон нийт сэтгэл түгшин хүлээж авсан бөгөөд зарим нь “итгэл эвдсэн ноцтой хууралт” хэмээн үзэж байгаа бол нөгөө хэсэг нь хүний амьдралын эрх чөлөөг хүндэтгэх хэрэгтэй гэсэн байр суурийг илэрхийлж байна.

Энэ явдал нь зөвхөн хувь хүний асуудал бус, нийгэм дэх хүйсийн хэвшмэл ойлголт, сошиал орчинд итгэл үнэмшил хэрхэн бий болдог, мөн хууран мэхлэх боломж хэр ойрхон байгааг харуулсан жишээ болоод буй.