WWE”-ийн домог, жүжигчин Халк Хоган пүрэв гарагт /2025.07.24/ 71 насандаа таалал төгслөө Тэрээр 7-р сарын 24-нд АНУ-ын Флорида мужийн Клирвотер хот дахь гэртээ зүрхний шигдээсээр нас барсан болохыг гэр бүл, WWE албан ёсоор мэдэгдсэн байна.

Жинхэнэ нэр нь Терри Жин Боллеа бөгөөд Хоган нь 1980-аад онд “Hulkamania” хэмээх үзэгдлийг бий болгож, мянга мянган хүнийг дэлхийн бөхийн рингэнд татсан юм. Тэрбээр нийт зургаан удаа WWE-ийн дэлхийн аварга болж, WrestleMania-гийн гол тулаануудын нүүр царай болж байв. Мөн “nWo” багт орж, “Hollywood Hogan” нэрээр дахин алдрын оргилд хүрч, 2005 онд WWE-ийн алдрын танхимд, 2020 онд багийн бүрэлдэхүүнээр дахин элсэж байсан билээ.

Түүний гэнэтийн үхлийн дараа WWE, Vince McMahon, Ric Flair, John Cena, Undertaker зэрэг олон алдартнууд эмгэнэл илэрхийлж, “Хоган бол спортын болон поп соёлын салбарт мартагдашгүй хүн байсан” хэмээн дурдсан байна.

Халк Хоганыг оршуулах ёслолыг гэр бүлийн хүрээнд, WWE-гийн хүндэтгэлтэйгээр зохион байгуулахаар төлөвлөж байгаа аж.